carito buyuang jo upiak

• Upiak :"sagadang apo cinto uda ka dénai...?"

• Buyuang :"uda sangat mencintai upiak sayang, ndak bisa uda menggambarkannyo

• Upiak :"kécékkan lah da..

• Buyuang :"jadih... Uda ibarat handphone, upiak adalah sim card nyo. Tanpa upiak, ndak ado arti uda ko , sayang.

• Upiak :"Aaaaawwwww....romantis bana uda tanyato,,,so sweattt ....

• Buyuang :(berkata dlm hati) "tarimo kasih ya Tuhan, upiak ndak tau kalo handphone Chino ko isinyo 3 simcard...

Baca Selengkapnya → carito buyuang jo upiak

Carito Lawak Minang _Maliang Durian

Maliang Durian

Untuak maisi kekosongan wakatu jo dari pado ndak ado karajo pai lah Trio Bingkaruang [Buyuang Togar jo Acong] maliang Durian.
- Durian sia tu Min ?
+ Durian sia juo lay sanak, Durian Pak Jorong lah 

Trio Bingkaruang mulai bajalan kabalakang Rumah Pak Jorong, karano lokasi batang Durian dibalakang rumah. Jo langkah lambek sarato ati-ati cando Tom ka manangkok Jerry akhianyo Trio Bingkaruang tibo dibawah batang Durian.

Lengong suok, kida, muko jo balakang dicaliak ndak ado urang, berarti situasi aman terkendali, Trio Bingkaruang pun mulai beraksi.
Acong jo Togar manjek batang Durian, sadangkan si Buyuang manunggu dibawah.

Tibo diateh batang Durian, Acong jo Togar mulai paniang mambedaan ma Durian masak jo ma Durian mudo, karano buah Durian nan tingga dibatangnyo tingga duo buah lay. Nan ciek warnanyo Kuniang nan ciek lay warnanyo Coklat.

Togar : "Nan ma Durian masak ko Cong?" (Basigayuik didahan batang Durian)
Acong : "Ndak tau den doh Gar, nan warna Kuniang tu ndak?" (Manunjuak-nunjuak buah Durian nan warna Kuniang)
Togar : "Ndak yakin den doh, tadi lah den idu-idu Durian nan warna Kuniang tu, tapi ndak ado baunnyo doh.."
Acong : "kalau nan warna Coklat?"
Togar : "samo se nyo, lah den idu-idu lo tadi jo iduang den, ndak lo ado baunnyo doh.."
Acong : "kito ambiak se lah kaduonyo baa?"
Togar : "jan lay Cong, kalau mudo ciek, mubazir beko, ndak juo ka kito makan doh..."
Acong : "cubo ang tanyo ka Buyuang Gar.."
Togar : "sip lah.. Yuaaaaaaang nan ma Durian nan lah masak ko? Nan warna Kuniang apo nan warna Coklat??" (Manakua kabawah)
Buyuang : "hmmm nan ma yo??" (Maningadah kateh batang Durian sambia malatak'an ujuang jari ka ikua, itu tando si Buyuang sadang bapikia sanak wkwkwkwk)
Togar : "jan lamo bana ang bapikia langau, ko karanggo banyak aa.." (Mamiciak karanggo dikatiak :D)
Buyuang : "ops tunggu nta, jan turun lo kalian dulu, den pai sabanta, beko den baliak liak..."

Buyuang pun pai maningga kan Togar jo Acong diateh batang Durian, samantaro tando tanyo sagadang mato panciang ikan Paus manari-nari dikaniang Togar jo Acong
"Kama lah si Buyuang tu??" Itu nan ado dalam pikiran Togar jo Acong..

Ndak lamo sudahtu, Buyuang tibo liak..
Buyuang : "sip kawan-kawan.. Den lah tau ma Durian nan masak "
Togar : "mantaaaap, nan ma Yuang? Nan warna Kuniang apo Durian nan warna Coklat?"
Buyuang : "nan warna Coklat.."
Acong : "yakin ang?"
Buyuang : "yakin lah, yakin pakai bana ko ha.."
Acong : "dari ma ang tau?"
Buyuang : "den tanyo lah.."
Acong : "ka sia ang tanyo?"
Buyuang : "ka Pak Jorong..."

Acong/Togar : "APO...???"
'Aw.. Aw.. Aw... Kumprang..!! Bruk..!!'
Togar jo Acong jatuah dari batang Durian dek takajuik. Tibo dibawah dipupuahnyo dek Acong jo Togar lari kancang sakancang Ayam dikaja Musang.. Samantaro si Buyuang hanyo diam tanpa kata mancaliak Togar jo Acong nan pontang pantiang dek lari, ndak lamo sudahtu tibo Pak Jorong sambia mambawo ladiang panjang, sapanjang Ota Caleg katiko Kampanye dimaso tanang 

Baa nasip si Buyuang?
Untuang elok bapihak ka Buyuang sanak, Pak Jorong hanyo manyuruah Buyuang manjek batang Durian untuak maambiak Durian warna Coklat nan lah masak, sudahtu Pak Jorong manyuruah Buyuang mangubak Durian tu jo Gigi, isi Durian dimakan Pak Jorong sadangkan kulik durian disungkahan Buyuang jo linangan aia mato wkwkwkwk..

By>
Dari kawan awak>>>

Baca Selengkapnya → Carito Lawak Minang _Maliang Durian

Pantun minang

Kini WC baunnyo ariang
"Batapa" sajo ka tapi pantai
Bulieh nak ilang baunnyo jariang
Sanak makan sajo uwok patai

Takana kana forum nan rancak
Tagalak ambo diateh oto
Jan ditanyo manga kok galak
Kito sadonyo ko nana lah boco

Usahlah sanak ka kandang kudo
Beko kanai sipak duo jo tigo
Klu sanak indak picayo
Maronggoklah dakek ikua kudo

dek sero makan jo cancang
ndak sadar rumah kanai maliang
mangalah duduak di ateh pancang
beko sarupo jo ayam guliang

Bemo mati hiduik badorong
Masinnyo iduik bunyi mandasau
Demo kini Sabana Talongsong
Presiden SBY baumpamoan kabau

juluak jo galah buah kuini
buah tomaik di ateh lantai
dimanolah posisi uni kini?
tulihlah alamaik kiriman patai

Kabek ayam di ateh lantai
Ayam di kabek jo basi rantai
Iyo sero makan di pantai
Sambalado jo uwok patai

Sajak barangkek si anak rajo
Pai nyo malapeh si dayang
Sajak mato dek rabun sanjo
Lah tatuka ameh jo loyang

Di ateh paga ayam bajejer
Bakukuak tando ari ka siang
Lamak bana rasonyo burger
Alun sa lamak gulai jariang

tangah malam urang basaluang
basuluah di ateh rumpuik
ambiek salumuik lalok bagaluang
bulieh bakaruah usah takantuik

Rami anak sikolah di nagari pauah
Rami manunggu taufik kiemas
Basaba sanak nan di rantau jauah
Patai nan sadang kito kemas

tangkok di tangkok anak lambau
bungkuih dibao ka sungai dareh
disangko maracak pungguang kabau
ruponyo nilva mamaguik karuang bareh

Baruak gilo mamanjek karambia
Siamang buruak di dalam rimbo
Alah lamo ambo bapikia
Alun jo salasai pantun ambo

Rang gadih ka tapi pantai
Ka pantai mambasuah kaki
Coitu bana lamaknyo patai
Nasi dimakan nan jo baki

Rang taratak pambuek kapa
Mamakai pancang kayu kamper
Lah sajak tingga di eropa
Tantu lah batuka randang jo burger

Iko pantun perpaduan kresi surang dan di tambah jo kreasi urang lain,,,

Baca Selengkapnya → Pantun minang

carito lawak minang

Dlm kelas ada murid yg tdk bs bbahasa indonesia

swaktu mereka upacara bendera, affika dsuruh membacakan Pancasila,, tp dia menolak krna tdk hafal
dia hanya inget gambarnya saja. dngan tpaksa affika maju lalu dia membaca..!!!

PANCASILO

satu: bintang basogi limo

duo: banteng batanduk duo

tigo: pohon baringin nan lah tuo

ompek: rantai pangikat kudo

limo: kape pembaluit luko

yg membaco pada gilo

hohohohohohoh

Baca Selengkapnya → carito lawak minang

TIPS PULANG KAMPUANG jo PESAWAT !!

Untuak dunsanak nan punyo niat
Pulang Kampuang jo Pesawat,
ambo punyo Tips supayo pulang
kampuang aman jo nyaman..
1. Pastikan dulu sanak tu punyo
Kampuang..!! Beko tiket lah
tabali kironyo sanak baru sadar
kalau sanak ndak punyo
Kampuang, mubazir jadinyo beko
2. Sanak harus sadang di Rantau..!!
Beko jan urang pulang
kampuang, sanak pulang
kampuang pulo, urang antri bali
tiket,
sanak iyo pulo, kironyo sanak
sadang di Kampuang wkwkwk..
3. Bali tiket sasuai jo namo
pesawat nan sanak inginkan,
misalnyo sanak nio naiak Pesawat
Puyuah Air, jan sanak bali
tiket Pesawat Itiak Air. Atau nan
labiah ndak buliah bali tiket
NPM atau lo liak jan cubo-cubo bali
Tiket untuak nonton konser
Boyband
4. Bali lah Tiket jauah-jauah hari
sabalun barangkek, jan arok
dek ongkos murah beko, sanak
cubo pulo naiak dijalan
wkwkwk..
5. Jan lupo makan atau sarapan
sabalun barangkek, karano di
pesawat ndak ado nan manjua
'Paragede Angek' doh..
6. Sasudah Check in jan langsuang
NAIAK kateh pesawat, tapi
MASUAK kadalam pesawat, jan
naiak kateh pesawat disangko
urang suporter bola beko..
7. Duduak lah sasuai jo nomor
kursi nan tatulis di tiket sasudah
sanak check in, jan duduak pulo
disampiang Pilot, sudahtu
sanak ajak pulo pilot tu maota..
"Eh Pak Pilot kenal jo si Buyuang
Ladiang? Tu Mamak den
mah.." Dek arok ongkos perai atau
baia saparo, sanak ajak
pulo pilot tu maota cando itu. Ndak
ado pangaruahnyo doh..
Wkwkwk..
8. Didalam pesawat jan sok akrab
atau sok ramah jo urang nan
duduak disampiang kito, biaso-
biaso sajo lah. Beko dek sok
akrab, talapeh sanak batanyo
"Dima turun ni?" Jan lay sanak,
mambana ambo wkwkwkwk..
9. Katiko pesawat siap-siap ka
mandarat, jan bagageh pulo
turun, tunggu se lah pesawat tu
sabana baranti jo tunggu
intruksi dari petugas, saba sajo..
Jan sampai pulo sanak
basorak "Kiri ciek da.." Hahahaha..
Lah itu se nyo sanak..
Salamaik Pulang Kampuang untuak
nan pulang kampuang..

Baca Selengkapnya → TIPS PULANG KAMPUANG jo PESAWAT !!