Pituah kpdo anak pai marantau

Nak kanduang sibirantulang tolonglah simak jaleh2...

Kok nyampang buyuang ka rantau urang,ado sifat nan ka di pakai...

Dima bumi di pijak i sinan langik di junjuang sasuaikan tanah jo tnaman...

Mukasuik rundingan tadi pandai2lah dalam manyasuikan diri di manopun kito barado...
Jagolah sikap jo pambaoan,badan nan jauah di rantau urang...
Kasalamatan badan diri kito tagantuang pado diri kito sandiri,bukan dari diri urang lain...

Ingeklah...
Kaki tataruang inai lah nan kahadangannyo.muluik tadorong,amehlah nan kamanabuhi...
Tangan mancancang bahu mamikua...
Kalau badan babuek salah,awak sandiri nan kamanarimo akibatnyo...
Dek ulah badan surang,awak sendiri nan ka manangguangkan...bukan diri urang lain...

Baca Selengkapnya → Pituah kpdo anak pai marantau

PASAN DARI KAMPUANG

~JAWEKLAH SALAM DARI KAMPUANG
~TAPAKAI WAKATU AGAK SABANTA
~MALAPEH RINDU NAN JO KAMPUANG
~DEK LAH CUKUIK LAMO TANTU TAKANA

*SUREK IKO OLA DI TULI LAMO
*DEK MANENGGANG SI ANAK RANTAU
*DI TUNDO DULO MANGIRIM NYO
*DICARI WAKATU UNTUAK BAGURAU

~GOLAK JO TANGIH KOK BATUKA
~BUKAN MAMBUKAK AIB JO MALU
~TAPI MANCARI KATO NAN BANA
~BURUAK MAK SAMO KITO SAPU

*ELOK NAK SAMO KITO CONTOH
*DISABUIK SAKETEK KISAH NAK RANTAU
*KATIKO PULANG BAHARI RAYO
*DAGANG BARUNTUNG KAMPUANGNYO SILAU

~MAMBAO OTO CIEK SURANG
~LAPANG DADO SANANG LAH HATI
~TABAYANG NAK RANTAU KINILAH SANANG
~KAMI PAGADANG JALAN DALAM NAGARI

*KAMI PALEBA JALAN KA TALAGO
*NAK SAMPAI BANA OTO KASINAN
*BIALAH "BUNGO" NAK TALENDO
*OTO NAK RANTAU KAMI PARKIRKAN

~NAK RANTAU PULANG JO OTO SURANG
~KA HILIEH MUDIEK NYO RAUN TARUIH
~BAGAUL HANYO SAMO DARI SUBARANG
~KOK JO URANG KMPG TANTU KURANG BAPITIH

*MALAM AMAL SAMBIE BAGURAU
*TUO JO MUDO LAH BASUKA RIA
*SAMBIE BAGARAH DUDUAK DI LAPAU
*SINGGANG JO KUE DI LELANG SIPANITIA

~SALO MANYALO BATANYO KABA
~BAK CANDO KONCEK DALAM EMBE
~MALOMPEK-LOMPEK PITIH KALUA
~BAK CANDO API PAMANGGANG SATE

*BAKANDAK LAGU PINTAK DI BARI
*PITIH BAK CANDO AYAM KA JAGUANG
*SABOLUN ABI DAK OMUAH BARONTI
*TA CENGANG LAH URANG SAISI KAMPUANG

#PARANG PITIH NAN TAJADI
#DI LELANG KUE KMPG AWAK
#DI KACAK BATI LAH BAK BATI
#AWAK OLA "SIANU" NAN JO AWAK
(kok nan taka iko jan di pakai..he2..)

~HUTANG URANG SAKADAI NYO BAYIEKAN
~KOK CANDO IKO SADONYO SI ANAK RANTAU
~BIALAH HARI RAYO SATIOK BULAN
~NAK RANTAU DI PUJI SAMPAI KA SURAU

*LAH SAPOKAN NAK RANTAU TIBO
*MANDEH BAROLEK SATIOK HARI
*BAMACAM LAH TINGKAH ANAK CUCUNYO
*URANG KMPG MANRIMO JO SANANG HATI

~LAH TIBO MASONYO KA BABALIEK
~CUTI ABIH TOKO NAN TINGGA
~KAMI BUEK AN PULO RONDANG ITIEK
~SARATO KUEH JO LAMANG SAKA

*JIKOK NAN DI TABEK LAH KAMI BANGKIK
*NAN DI POLAK TUNGGUNYO NAN TINGGA
*KOK LAI KA UBEK IBARAIK SAKIK
*KA OLEH - OLEH DI TANAH JAWA

~LAH BALIEK KINI SI ANAK RANTAU
~BABALIEK LONGANG TARASO KMPG
~TIBO RUSUAH DATANGLAH GALAU
~SOALNYO PADI LAH ABI DI LUMBUANG

*LAI NAK RANTAU SUKO BARAGIEH
*PAMBALI MACO NAN NYO SABUIK
*JAN KADI PAKAI KA PAMBOLI SIRIEH
*PAMBOLI GARAM SAJO INDAK CUKUIK

~TAPI NAK RANTAU LAI MANYABUIK
~SABALUN BABALIEK MALAM SINAYAN
~KA DITUKA CEK, bank ALA TUTUIK
~DARI JAWA SAJO NANTIK BA KIRIMKAN

*MANDANGA JANJI DARI MULUIK
*LUPOLAH HUTANG SABOLIK PINGGANG
*BISUAK KOK TIBO URANG MANUNTUIK
*DI LIPEK DUO KAN NYO BAYIE HUTANG

~TERAKHIR KABA KAMI TARIMO
~KADAI NAK RANTAU DISITA URANG
~UNTUAK PAMBAYIE CATERAN OTO
~DIWAKATU RAYO NAK RANTAU PULANG

*JIKOK BANA CO ITU NAN TAJADI
*LAH BAKICUAH KAMI KIRONYO
*LOBIEH RANCAK PULANG JO PADATI
*HANYOLAH JO RUMPUIK BAYIE SEWANYO

~DI SANGKO JAMBATAN PANYUBARANG
~KAYU BARAKUAK NAN KAMI TITIH
~SAMPAI HATINYO SI ANAK URANG
~KAMI DI UMBUAK JO BA PATANGISIH

________________________

PASAN SAKETEK YO...

*KOK LAI KADAPEK PINTAK NYO KAMI
*SILAU LAH SANAK FAMILI KA SODONYO
*USAH DI NILAI BARUPO PITIH
*DEK KAMI NAN PARALU BATAMU MUKO..

~TUJUAN NAK RANTAU SILATURAHMI
~TIBO DI KAMPUANG JAN SAMPAI LUPO
~PIKIAN LAH DEK SANAK SABALUN KUMBALI
~TAMUI LAH SADONYO IBU JO BAPO

*SEMOGA SALAMAIK DI TANAH RANTAU
*KOK BARASAKI PULANG JUO DI TAUN MUKO
*SILATURAHMI SILAU-MANYILAU
*UNTUANG KITO DAPEK RIDHO DARI "NAN KUASO"

Baca Selengkapnya → PASAN DARI KAMPUANG